Puisi Nursiyah Faa
SELISIH DINE LEBARAN
Uwong-uwong, deweke ngedemeni negeri
Tekang ngendeki.
Demene tekang kepati-pati
—Tekang mati
Tekang dunye rakyat diendaki
Segale bende dipajaki
Sekabeh dijokoti
Tekang perkare sambel terasi ning bagasi
Dikurek-jokoti
Ning uwong sing ngakuni demen negeri
Hobine ngebiri devisa negeri.
Uwong-uwong sing ngakune demen kepati-pati ning negeri
Sing ayu molek iki
Kebisane dandan ngenggo anggaran
Apelah makne dedalan sing mulus
Lamun badan pemimpine mambu perengus?
Udutah mengkonon tuan-tuan lan puan-puan
Sing mulie dodok ning duhur jabatan?
Apelah makne pendidikan
Mun bise mah rakyat dolog bae
Mun pinter gawe berabe ning jagat negeri
Wong dicemiringe kuh mau kaen
Uwong-uwong sing ngakune demen tekang mati
Ning negeri sing ramah iki
Teger luwih agame sing suci
Dibeloki kepentingan cecurut babi
Tiap taun lake peragate ngemulai tanggal
Teropong-teropong anggaran belanje
Berlabelaken agame
Sedolog iku anak-anak bangse
Ngedeleng, ngitung dine
—Langit-langit negeri
Peteng kerurub segale kebul.
Kibin, April 2023
CATETAN AWAL MARET
Sembarang Februari
Udan ngeriyek
Kali banjir lan jembatan kelem
Kite wedi nyebrangi
Ure kedeleng endi dedalan melaku
Endi dedalan banyu
Sekabeh dedalan kerurub banyu
Saban dine udan ngeriyek
Banyu mili sing udik ning ilir
Sawah-sawah kelem
Pari-pari kenang bebeluk
Gabah-gabah bosok ure keipe
Beras-beras munjuk ning deduhuran
Wong musakat pade bebentingan
Serang, Maret 2023
KIYAI GEDE — GEDE DOANE
Winginane dese kite rame
Wong gagah nyambangi umah
Kiayi gede – gede doane
Sembarang bocah polodan
Tekang wong tue sing melakune imbit-imbitan
Melu ngimplo umah kiayi
Mangke ceramah kiayi
Iki tamu duwe cite-cite mulie
Ngemakmuraken rakyat
Segale hadarot diaturaken
Diaminaken sekabeh uwong
Dibageni teke siji
Cangkir siji-siji
Kalender sing wis parek peragat taune
Siji-siji wong disalami
Tembekan iki salaman karo salah siji pejabat negeri
Wingi-winginane embuh temen arep salaman
Salam be ure nyampe.
Siji-siji uwong-uwong sing embuh uwonge
Ngedadak dadi santri
Marek ning kiayi
Ngaku-ngaku duwe cite-cite kang mulie
—Mulie kanggo kalangan dewek.
Serang, Agustus 2023
TRIK DADI POLITIKUS SUKSES
Kanggo uwong-uwong sing mentereng jabatane
Ning pemerintahan
Aje ure kelingan wewisuh lamun tes memangan
Embokan kedeleng cobroke
Lamun tah memangan aje hawek dipangan dewek
Bagi-bagi teke semet genah si A si B
Gonah kerase dedularanane
Gonah ane ape-ape kuh ditulungi
Lamun ane sing ngegeyan
Aje ure kelingan jaluk tambahan
Aje duwe sipat ure enakan
Diporodibe sekabeh los temen
Bakale tekang begah
Aje wedi lamun ane laporan sing embuh-embuh
Diobrolaken be ure pape
Jalur leluran duit luwih licin lan wangi
Lamun jabatan wis arep peragat
Gagi ngembil ancang-ancang
Ngudag wong-wong melarat
Santuni sekabeh
Bangse duit seket mah wong siji moal entek pekaye
Aje ure kelingan sesanje ning sesepuh, ulame
Jukut karomahe
Los temen modal kampanye gede
Tenang be lamun dadi pasti untunge luweh gede
Serang, Agustus 2023
_______
Penulis
Nursiyah Faa, ibu rumah tangga beranak siji.
Kirim naskah ke
redaksingewiyak@gmail.com